നല്ലൊരു മാറ്റം നാമെല്ലാവരും ഏപ്പോഴും ആഗ്രഹിക്കാറുണ്ട്. എന്നാൽ പലപ്പോഴും നമുക്ക് അതിനു സാധിക്കുന്നുണ്ടോ? നല്ല വളർച്ചയുള്ള ഒരു ജീവിതം, നല്ല ലൈഫ് സ്റ്റൈൽ അങ്ങനെ പലതും നാം ആഗ്രഹിക്കാറുണ്ട്, എന്നാൽ പലപ്പോഴും നാമവിടെ എത്തിച്ചേരുന്നില്ല. സാധാരണ എങ്ങനെ ഉയർന്ന ഒരു ജീവിതം നേടിയെടുക്കണം എന്ന് എപ്പോഴാണ് നമ്മുടെ മനസ്സിൽ തോന്നാറുള്ളത് ? ഗുരുക്കന്മാരുടെ വാക്കുകൾ കേൾക്കുമ്പോഴോ, പുസ്തകങ്ങൾ വായിക്കുമ്പോഴോ അല്ലെങ്കിൽ വീഡിയോസ് കാണുമ്പോഴോ ഒക്കെ ആയിരിക്കാം അല്ലെ ? എന്നാൽ യഥാർത്ഥത്തിൽ നമുക്ക് അവിടെ എത്തിച്ചേരാൻ കഴിയാറില്ല. ശരിയല്ലേ... കാരണം നമുക്ക് നമ്മളെ കുറിച്ചുള്ള സെൽഫ് ഇമേജ് തന്നെയാണ്. നമ്മളിൽ രൂപപ്പെട്ട സെല്ഫ് ഇമേജ് കാരണം നമ്മുടെ ആത്മവിശ്വാസം വളരെ കുറവാണെങ്കിൽ നമ്മുക്ക് മാറ്റങ്ങളെ വേഗത്തിൽ സ്വീകരിക്കാൻ സാധിക്കില്ല.
മാറ്റത്തിന്റെ പ്രാധ്യാനത്തെ മനസിലാക്കാൻ വേണ്ടി ഞാൻ ഇവിടെ രണ്ടു കരിങ്കല്ലുകളുടെ കഥ പറയാം. ഒരു കാട്ടിൽ മനോഹരമായ രണ്ടു വലിയ കല്ലുകൾ ഉണ്ടായിരുന്നു. അവർ എപ്പോഴും പല പല കാര്യങ്ങളെ കുറിച്ച് സംസാരിക്കുമായിരുന്നു. ഒരു ദിവസം ഒരു കല്ലിനെ കുറേയാളുകൾ ചേർന്ന് എവിടേക്കോ കൊണ്ടു പോയി. അതികം താമസിയാതെ രണ്ടാമത്തെ കല്ലിനെയും അവർ കൊണ്ടുപോയി. ഈ വേർപിരിയൽ അവർക്ക് വളരെ അസഹനീയമായിരുന്നു. ഒരു ശില്പി തന്റെ ശില്പ നിര്മാണത്തിന്ന് വേണ്ടി ആയിരുന്നു കല്ലുകൾ കൊണ്ടുപോയത്. ശില്പി രണ്ടു കല്ലിലും തന്റെ ആയുധങ്ങൾ പ്രയോഗിച്ചു, എന്നാൽ ഒന്നാമത്തെ കല്ല് വേദന സഹിക്കാൻ ആവാതെ ശില്പി വരുത്തുന്ന മാറ്റങ്ങൾക്ക് നിന്നു കൊടുത്തില്ല.എന്നാൽ രണ്ടാമത്തെ കല്ല് ആകട്ടെ എല്ലാ വേദനകളും സഹിച്ചു ശില്പി വരുത്തുന്ന മാറ്റങ്ങളെ സ്വീകരിച്ചു. അങ്ങനെ ഒരുപാട് നാളുകളുടെ പരിശ്രമത്തിനു ശേഷം ക്ഷേത്രം ഭക്തർക്കായി തുറന്നു നൽകി. ദിവസേന ധാരാളം ആളുകൾ അവിടെ സന്ദർശിക്കാൻ തുടങ്ങി. അവിടേക്ക് പോകുന്നവർക്കായി ഒരു ചവിട്ടു പടി ആവശ്യമായി വന്നു. ഉപേക്ഷിക്കപ്പെട്ട നിലയിൽ കണ്ട ഒരു കല്ലിനെ അവിടെ ചവിട്ടു പടി ആയി ഉപയോഗിച്ചു . ഇത് ആ കല്ലിനെ വളരെ വിഷമിപ്പിച്ചു, കാരണം കാട്ടിൽ കഴിഞ്ഞപ്പോൾ അവന് ബുദ്ധിമുട്ടുകൾ ഉണ്ടായിരുന്നെങ്കിലും കൂടെ സ്വപ്നങ്ങളും ഉണ്ടായിരുന്നു.എന്നാൽ ഇവിടെ ഓരോ നിമിഷവും അവൻ വേദനിച്ചു കൊണ്ടിരിക്കുകയാണ് . അങ്ങനെ ഒരു ദിവസം ആളൊഴിഞ്ഞ സമയത്ത് ആ പരിസരം മുഴുവൻ അവൻ നിരീക്ഷിച്ചു. എല്ലാവരും ആരാധിക്കാനായി പോകുന്ന ഭാഗത്തേക്ക് നോക്കിയപ്പോൾ അവൻ ശരിക്കും അത്ഭുതപ്പെട്ടുപോയി. തന്റെ പഴയ സുഹൃത്തിനെയാണ് അവൻ അവിടെ കണ്ടത്. അത്യധികം സന്തോഷത്തോടെ പരിസരം മറന്ന് അവൻ വിളിച്ചുകൂവി "ഏയ് ചങ്ങാതി എന്നെ മനസിലായോ ഞാൻ നിന്റെ ആ പഴയ സുഹൃത്ത്". നിന്നിൽ ഒരുപാട് മാറ്റങ്ങൾ വന്നിട്ടുണ്ടല്ലോ, അവൻ അത്ഭുതത്തോടെ ചോദിച്ചു. എന്തൊക്കെയായാലും എന്താ നിന്റെ ഒരു ഭാഗ്യം. ഇപ്പോൾ എല്ലാവരും ആരാധിക്കുന്ന ദേവതയാണല്ലോ നീ. നമ്മൾ എങ്ങനെ കഴിഞ്ഞതാ.. അവൻ നെടുവീർപ്പിട്ടു. തന്റെ പഴയ ആത്മ മിത്രത്തെ കണ്ട ആ കല്ല് സന്തോഷത്തോടെ വിളിച്ചു പറഞ്ഞു "ചങ്ങാതി എന്റെ ഈ മാറ്റത്തിൽ ഭാഗ്യത്തിന് വലിയ പ്രാധാന്യം ഇല്ല. നമ്മളെ രണ്ടുപേരെയും ഒരേ ശില്പി തന്നെയാണ് രൂപപ്പെടുത്തിയത്. എന്നാൽ മൂർച്ചയുള്ള ഉളി ഉപയോഗിച്ച എന്നിൽ ഒരുപാട് മാറ്റങ്ങൾ നടത്താൻ അദ്ദേഹം ശ്രമിച്ചപ്പോൾ അതിനെ നീ ചെയ്തതുപോലെ എതിർക്കുന്നതിനുപകരം ഞാൻ ക്ഷമയോടെ സഹനത്തോടെ മുന്നോട്ട് പോയി ആ വേദനകളുടെയും കടുത്ത അനുഭവങ്ങളുടെയും സൃഷ്ടിയാണ് ഇന്നത്തെ ഈ ഞാൻ. "
ഈ കഥയിലൂടെ നാം തീരുമാനിക്കേണ്ടത് എല്ലാവരാലും ആദരിക്കപ്പെടും ആരാധിക്കുകയും ചെയ്യുന്ന ദേവതയാകണോ അതോ വെറുമൊരു നടക്കല് അകണോ എന്ന്. നമ്മളിൽ മാറ്റം ഉണ്ടാക്കാൻ നമ്മളെക്കാൾ അനുഭവ പരിചയം ഉള്ളവരുമായി കൂടുതൽ ഇടപെടുകയും നാം മാറ്റങ്ങളെ സ്വീകരിക്കാൻ നമ്മെ സ്വയം പര്യാപ്തമാക്കേണ്ടതുമുണ്ട്. നാം വിചാരിക്കാതെ മറ്റൊരു വ്യക്തിക്ക് നമ്മളിൽ സ്വാധീനം ചെലുത്താൻ സാധ്യമല്ല.
Click here to watch on youtube