വിജയിക്കുവാനുള്ള രഹസ്യം
നമുക്കെല്ലാവർക്കും ജീവിതത്തിൽ വിജയിക്കണം എന്ന ആഗ്രഹം ഉണ്ട്. എന്നാൽ എന്താണ് ജീവിത വിജയം? എങ്ങനെയാണ് ജീവിത വിജയം കൈവരിക്കുക? എന്ന് എത്ര പേർക്ക് അറിയാം. പ്രശസ്തനായ അമേരിക്കൻ എഴുത്തുകാരനും, റേഡിയോ ജേർണലിസ്റ്റും ആയ ഏൾ നൈറ്റിംഗേൽ ജീവിത വിജയത്തിനെ കുറിച്ച് 1956കളിൽ തന്റെ ഓഡിയോ റെക്കോർഡിങ്ങുകളിൽ പ്രതിപ്പാദിച്ചിട്ടുണ്ട്. അദ്ദേഹം പറയുന്നു; അമേരിക്കയിൽ 25 വയസുള്ള നൂറ് ആളുകളുടെ ഇടയിൽ നടത്തിയ ഒരു സർവ്വേയിൽ എല്ലാവരും തന്നെ ജീവിത വിജയം നേടണമെന്ന് ആഗ്രഹിക്കുന്നു എന്ന് പറയുന്നു. എന്നാൽ കണക്കുകൾ സൂചിപ്പിക്കുന്നത് 65 വയസാകുമ്പോഴേക്കും അവരിൽ 95%പേരും മറ്റുള്ളവരെ ആശ്രയിച്ചാണ് ജീവിക്കുന്ന് എന്നാണ്.
എന്താണ് ഇതിനു കാരണം? ഓരോ വ്യക്തിയും സമൂഹത്തിലെ മാനദണ്ഡങ്ങൾക്ക് അനുസൃതമായി ജീവിക്കുന്നു. സമൂഹത്തിൽ എന്താണോ നടക്കുന്നത് അതിനെ മാർഗ്ഗരേഖയായി കണ്ട് പിന്തുടരുകയാണ് ചെയ്യുന്നത്.
നൈറ്റിംഗേൽ ജീവിത വിജയത്തിനെ വ്യാഖ്യാനിക്കുന്നത് ഇങ്ങനെയാണ് "സക്‌സസ് ഈസ് എ പ്രോഗ്രസ്സിവ് റിയലൈസേഷൻ ഓഫ് എ വേർതി ഐഡിയൽ" അതായത്, ഒരു വ്യക്തി ഏതു മേഖലയിൽ ആണോ പ്രവർത്തിക്കുന്നത്, ആ മേഖലയിൽ പൂർണ സന്തോഷത്തോടെ ആ വ്യക്തിക്ക് കാര്യങ്ങൾ ചെയ്യാൻ സാധിക്കുകയും, തന്റെ പുരോഗതി അദ്ദേഹം വിലയിരുത്തുകയും ചെയ്യുന്നുവെങ്കിൽ അദ്ദേഹം ജീവിത വിജയം കൈവരിച്ചു എന്നാണ് അനുമാനിക്കേണ്ടത്. ഉദാഹരണമായി ഒരു വീട്ടമ്മ ആഗ്രഹിക്കുന്നത് തന്റെ മക്കളെയും കുടുംബത്തെയും നോക്കി ജീവിക്കാനാണ് അതുകൊണ്ട് തന്നെ എല്ലാ ദിവസവും രാവിലെ എഴുന്നേൽക്കുമ്പോൾ അവർ നല്ല സന്തോഷവതി ആയിരിക്കുകയും ആ പ്രവർത്തിയിൽ സ്വയം സമർപ്പിക്കുകയും ചെയ്താൽ അവർ ജീവിത വിജയം നേടിയതായി കണക്കാക്കാം. ജീവിത വിജയം എന്നതിനെ ഒരു സാമ്പത്തികംവെച്ച് അളക്കേണ്ടതില്ല ഒരു സ്കൂൾ ടീച്ചർ അല്ലെങ്കിൽ ഏതൊരു വ്യക്തിയും ആകട്ടെ അവർ ചെയ്യുന്ന പ്രവർത്തിയിൽ സന്തോഷവും, എന്നും ഒരു പടി മുന്നോട്ട് പോവുകയും ചെയ്യുന്നുണ്ടെങ്കിൽ അവർ വിജയം കൈവരിച്ചവരാണ് എന്നാണ് നൈറ്റിംഗേൽ പറയുന്നത്. അതായതു മുൻകൂട്ടി ഒരു ലക്ഷ്യം തീരുമാനിക്കുകയും അതിൽ അവർ മുന്നോട്ടു പോകുകയും ചെയ്യുന്നുണ്ടെങ്കിൽ അവർ ജീവിതത്തിൽ വിജയിച്ചു എന്നു പറയാം.
തുടർന്ന് അദ്ദേഹം മുന്നോട്ട് വയ്ക്കുന്ന ഒരു നിരീക്ഷണം; ഇരുപത് വ്യക്തികളോട് തങ്ങൾ ചെയ്യുന്ന പ്രവർത്തികൾ എന്തിനാണ് ചെയ്യുന്നത് എന്ന ചോദ്യം ഉന്നയിച്ചപ്പോൾ അതിൽ ഒരാൾ മാത്രമാണ് വ്യക്തമായ ഉത്തരം നൽകിയത്. എന്താണ് ഈ വ്യക്തികളുടെ ജീവിതത്തിനെ സ്വാധീനിക്കുന്നത് ? അതുമായി ബന്ധപ്പെട്ടു അദ്ദേഹം വിരൽ ചൂണ്ടുന്നത് 'ദി മാൻസ് സെർച്ച്‌ ഫോർ ഹിംസെൽഫ്' എന്ന പുസ്‌തകത്തിലെക്കാണ്. ശരിക്കും ധൈര്യത്തിന്റെ എതിർപദം ഭീരുത്വമല്ല മറിച്ച് അത് മുൻധാരണയാണ്. ജീവിതത്തിൽ വിജയം നേടണമെങ്കിൽ പുതിയ കാര്യങ്ങൾ ഏറ്റെടുക്കാനും, നടപ്പിൽ വരുത്താനുമുള്ള ധൈര്യം ആവശ്യമാണ്. എന്നാൽ മിക്കവാറും എല്ലാവരുടെയും മനസ്സിൽ "ഞാൻ ഇങ്ങനെയാണ്, സമൂഹം ഇങ്ങനെയാണ് എന്നുള്ള ഒരു ചിന്താഗതിയാണ് ഉള്ളത്. തനിക്ക് പ്രത്യേകമായിട്ടുള്ള ഒരു ലക്ഷ്യവും ഇല്ല. എല്ലാരും ചെയ്യുന്നത് ഞാനും ചെയ്യുന്നു. എല്ലാവരും ജോലിക് പോകുമ്പോൾ താനും അത് ചെയ്യുന്നു എന്നല്ലാതെ അയാൾക് അതാണോ വേണ്ടത് ? ചിലപ്പോൾ അല്ലായിരിക്കാം. പക്ഷെ ഭൂരിപക്ഷം ആളുകൾ എന്താണോ ചെയ്യുന്നത് അതു നമ്മളും ചെയ്യുന്നു. ജനങ്ങൾ പൊതുവെ സ്വന്തമായ ലക്ഷ്യങ്ങൾ ഇല്ലാതെയാണ് ജീവിക്കുന്നത്. ഈ ഒരു മാനസികാവസ്ഥയെ ആണ് "മുൻധാരണ" എന്നത് കൊണ്ട് ഉദ്ദേശിക്കുന്നത്.
എന്തുകൊണ്ടാണ് ചില ആളുകൾ എന്തു ചെയ്താലും വിജയിക്കുന്നത്, എന്നാൽ മറ്റുള്ളവർ വിജയിക്കാത്തത് ? ഏൾ നൈറ്റിംഗേൽ മുന്നോട്ടു വയ്ക്കുന്ന അത്തരം രഹസ്യങ്ങൾ കൂടുതൽ അറിയാനും ജീവിതത്തിൽ പകർത്തുന്നതിനും തുടർന്നുള്ള ബ്ലോഗുകൾ വായിക്കുക. കൂടാതെ ഞങ്ങളുടെ യൂട്യൂബ് വീഡിയോ കാണാനും മറക്കരുത്.